Horoskopi mujor për të gjitha shenjat e zodiakut


DASHI

Çiftet, marrëdhëniet dinamike, Dashët me shpirt aventure, ky është muaji juaj! Raportet ndërpersonale janë në fokus të tetorit, duke qenë se Dielli viziton Peshoren e cila përqendrohet te ndjesitë, lidhjet dhe njerëzit. Në pjesën e dytë të tetorit, Dielli shkon në Akrep dhe kjo është një periudhë shumë intensive.
Përpara se të zhyteni në një gjendje të çuditshme, duhet të dini se më 1 tetor, Hëna e plotë ndikon drejtpërdrejt në qëllimet tuaja, andaj qëndroni guximtarë dhe të pathyeshëm, pasi që në fillim të muajit, planet tuaja do të përmbushen.
Tetori është një muaj shumë aktiv, me 2 hëna të cilat do të ndriçojnë netët e tetorit. Po flasim për “hënën blu”, një prej dukurive më të rralla, e cila ka rezervuar shumë për ju.
Pjesa e dytë e tetorit do të jetë shumë sfiduese dhe kjo, sepse Mërkuri, planeti i komunikimit, teknologjisë dhe udhëtimit, do të kalojë në plan të dytë.
Në aspektin e ndjenjave është muaji ku ndoshta do t’ju duhet një pauzë afatshkurtër. Qartësoni veten, emocionet dhe raportet me të tjerët. Kujdesuni që të shpreheni në mënyrë të qartë dhe të vendosni nëse vërtet doni të shkëputeni për pak kohë, apo t’i jepni fund raportit tuaj. Është sezoni i Peshores, ndaj ekuilibri është çelësi për gjithçka.

 

Supports text, HTML tags, JS code and video embed code


DEMI

Këtë muaj, astrolgjia ju jep vetëm një këshillë: përqafoni anën tuaj më të egër! Suluni drejt së ardhmes me furinë e një demi!
Fatmiësisht, Dielli vendos balancën në shenjën e Peshores dhe për 6 muajt pasardhës, shëndeti dhe sistemi i organizimit do të jenë kryefjala e jetës suaj. Në mënyrë metaforike, këtë tetor do t’ju mbrojë nga shiu i ndodhive një çadër universale. Që prej 2 tetorit, do të futeni në një strehëz të thatë dhe të sigurt.
Tetori do të ndikohet shumë nga 2 hënat e plota, të cilat do të ndryshojnë rrënjësisht qiellin dhe jetën tuaj. Mos u shqetësoni aspak, pasi fundi i muajit jua shpërblen të gjitha.
Në mes të muajit, Mërkuri kalon në retrogradë dhe mund të krijojë disa situata tinëzarë në raport me informacionin dhe me të tjerët. Më pas, kalimi në Akrep më 13 tetor i jep fund retrogradës në Peshore dhe sektori i shëndetit do të jetë në formën më të mirë.
Partneriteti në gjysmën e dytë të muajit do të garantojë një komunikim shumë të qartë dhe do të kuptoheni më së miri me të tjerët. Keqkuptimet dhe dramat e mëparshme do të zëvendësohen me mirëkuptime dhe biseda të thella, të cilat do t’ju përgatisin për të ardhmen.
Mos hezitoni të kërkoni ndihmën e miqve dhe të afërmve, pasi do të kaploheni nga stresi dhe dëshira e pashmangshme për perfeksion. Të gjithë do t’ju qëndrojnë pranë, fizikisht, shpirtërisht dhe moralisht, sepse fundja, sezoni i Peshores është për miqtë dhe raportet njerëzore.

 


BINJAKËT

Yjet e tetorit janë spektakolarë dhe do të ndriçojnë të gjithë rrugëtimin tuaj gjatë këtij muajit. Me Diellin në Peshore, është periudha më e mirë për romancë, argëtim dhe për të rigjetur pasionet tuaja. Deri më 22 tetor, do të merrni rolin e liderit dhe të gjithë ata që do t’ju ndjekin, do t’ju adhurojnë.
Projekte kreative dhe një dëshirë e madhe për të qenë versioni më i mirë i vetes! Çfarë po prisni?
Këtë muaj po flasim për një ngjarje shumë të rëndësishme kozmike, pikërisht për “hënën blu”, e cila definon synimet tuaja në çdo aspekt. Nën ndikimin e saj, mund të lindë mundësia për një bashkëpunim interesant dhe fitimprurës, njëkohësisht do të gjeni kohën të shëroheni nga plagët e vjetra dhe të merreni me gjërat që vërtet kanë rëndësi.
Mërkuri ju shton dëshirën për të investuar në pajisje teknologjike, apo për të ndërmarrë një udhëtim të ri. Cilado të jetë dëshira juaj, mos hezitoni t’ia plotësoni vetes, pasi e meritoni!
Sigurisht, një vëmendje shumë të madhe kërkon edhe shëndeti, sidomos ai fizik. Mos anashkaloni në asnjë moment aktivitetin fizik, apo një shëtitje në natyrë, pasi do t’ju duhet patjetër një shkëputje nga rutina e përditshme.
Në 4 tetor, Plutoni kalon në retrogradë dhe përmirëson sektorin e financave dhe ju ndihmon shumë për një bisedë që është lënë disi pezull me personin e zemrës. Komunikimi është çelësi, ndaj mos harroni se është shumë e rëndësishme të jeni të sinqertë dhe t’i bëni gjërat të qarta, në mënyrë që të kurseni shumë kokëçarje të mëvonshme.
Në gjysmën e dytë të muajit, Mërkuri do të kalojë në Peshore, në shtëpinë tuaj të pestë të dashurisë. Kjo mund të rikthejë të shkuarën, një ish të dashur dhe dramat e kaluara. Sido të vijë situata, merrni forcën e duhur dhe bëni diskursin që duhet të bëni, që e shkuara të mbetet pas përgjithmonë.

 


GAFORRJA

Koha për nxemje e dashur Gaforre! Dielli viziton Peshoren, shtëpinë tuaj të familjes, pronave dhe lidhjeve farefisnore. Vizitori i mirëpritur do të akomodohet deri në datën 22 tetor dhe gjatë kësaj periudhe do të ndieni se gjithçka është në vendin e duhur, veçanërisht në aspektin familjar.
Nëse keni menduar të zhvendosni, të arredoni shtëpinë, apo të investoni në një pronë të re, ky moment është i duhuri. Eksploroni mbi mundësitë e reja dhe besojini shijeve tuaja!
Megjithë kaosit të tetorit, ju do të jeni shumë të qetë. “Hëna blu” ndryshon kursin e 2020-ës dhe ju ndihmon të ndërtoni të ardhmen që doni. Një mundësi e re ju shfaqet në karrierë. Mos e mendoni gjatë, por “carpe diem”!
Në datën 4 tetor, lidhjet e qëndrueshme do të pësojnë dinamika, të cilat ose do ta trondisin raportin, ose do ta forcojnë atë.
Retrograda e Mërkurit do t’ju kthejë disa hapa mbrapa, në të shkuarën që keni menduar se keni lënë pas. Për këtë, duhet të mendoheni gjatë, pasi pjesa juaj sensitive ndonjëherë triumfon mbi arsyen. Ky është një vendim i cili ju përket vetëm juve, por horoskopi ju këshillon të reflektoni mbi mundësitë e progresit drejt së ardhmes.
Në fund të muajit, evitoni festat dhe socializimin me njerëz që nuk i njihni, pasi Urani trasgresiv zgjon pjesën tuaj rebele dhe të paparashikueshme.

 


LUANI

Prej kohësh nuk keni pasur një muaj kaq të zënë i dashur Luan! Tetori ju fut në një vorbull aktivitetesh, e cila ju merr shumë kohë, por njëkohësisht ju fal shumë kënaqësi dhe të ardhura.
Fillimisht, Dielli në Peshore shërben si katalizator për përmirësimin e komunikimit tuaj me njerëzit që ju rrethojnë. Fatmirësisht, situata në të cilën ndodheni, e zbeh pak dëshirën tuaj për vëmendje konstante. Ky është një lajm i mirë, pasi mund të fokusoheni te vetja dhe pasionet tuaja.
Tetori ju zgjon ambicien dhe ju sjell disa përmirësime shumë emocionuese në aspektin e karrierës, ndoshta edhe një udhëtim të shkurtër, por tepër të këndshëm. Plutoni, në bashkëpunim me Bricjapin forcon edhe më shumë sistemin tuaj organizues, duke ju ndihmuar të ecni përpara.
Bëni kujdes në javën e 3, pasi disa probleme dhe diskutime me zë të lartë do të prekin familjen tuaj. Disa diskurse të nxehta do të dalin nga muret tuaja dhe sa më serioz të jetë sekreti, aq më e vështirë do të jetë vendosja e balancës. Me dëshirën tuaj apo jo, Dielli në Akrep do t’ju detyrojë të jeni të fokusuar te problemet e shtëpisë. Gjithsesi, do të gjeni momentin për të bërë një ndryshim drastik në të ardhmen profesionale.
Më 31 tetor, nën ndikimin e Uranit, do të përjetoni një surprizë shumë të këndshme. Është koha për të bërë ndryshime!

 


VIRGJËRESHA

Gjatë gjithë tetorit do të kërkoni stabilitet, por planetet nuk koordinohen me dëshirat tuaja. Dielli po bashkëpunon me Peshoren dhe ju fokuson në punë, financa dhe ju shtyn drejt rutinës. Mund të duket diçka shumë e mërzitshme për momentin, por shumë shpejt do ta falenderoni këtë duo fantastike. Duke u përqendruar më shumë te detyrat tuaja, do të arrini drejt perfeksionit, çka e kërkoni më shumë se stabilitetin.
Fatmirësisht, efiçenca dhe përkushtimi juaj do t’ju ndihmojë kundrejt trikeve të planeteve. Tetori quhet “muaji blu” për shkak të melankolisë që ju përcjell, por ju do të ndryshoni lojën. Bëhuni gati për të papriturën dhe mos e ulni në asnjë çast vigjilencën.
Në jetën tuaj sentimentale, dramat dhe momentet e mëzitshme do të kthjellohen rreth datës 4, kur Plutoni mbaron retrogradën pesë mujore dhe vendoset në sektorin e romancës. Nëse jeni përballur më parë me një ndarje apo dëshpërim, gëzimi dhe lumturia do ta gjejë shumë shpejt rrugën drejt jush. Do të jeni në kërkim të kreativitetit dhe të ideve që ju largojnë paksa nga monotonia. Trinomi i Jupiterit, Saturnit dhe Plutonit bashkojnë forcat dhe i bëjnë idetë tuaja gjeniale.
Bëni kujdes me fjalët kur Mërkuri të shkojë në retrogradë. Komunikimi nuk do të jetë në performancën më të mirë dhe ju, le të themi se nuk do t’i mendoni gjatë fjalitë që do të artikuloni. Gjithsesi, përpara se të flisni kujtohuni se nëse nuk mund të thoni frazën e duhur, më mirë heshtni. Në aspektin profesional, shikojini me sy më kritik kolegët.
Jeta juaj sociale do të pësojë ulje-ngritje, gjithsesi, zgjidhni miqtë më të mirë, ata të cilët ju mirëkuptojnë, ju këshillojnë dhe nuk ju gjykojnë. Këta miq numërohen me gishtat e dorës dhe për fat të mirë, ju i keni disa.

 


PESHORJA

Fillimisht, gëzuar sezonin! Përqafoni veprimet dhe jo fjalët gjatë kësaj peridhe kaotike, e cila nuk ju lejon të pushoni në asnjë moment. Tetori ju fuqizon shumë dhe ju krijon ndjesinë e individualitetit. Këtë muaj, do të doni të punoni në projekte personale dhe të shtoni të ardhurat. Fokusohuni tek ajo që dini të bëni më mirë dhe mos u shpërqendroni në asnjë moment.
Në sajë të Hënës blu, karriera dhe marrëdhëniet ndërpersonale do të marrin të gjithë vëmendjen tuaj dhe kjo do t’ju bëjë më të dashur dhe të suksesshëm, duke ju siguruar edhe më shumë arritje në të ardhmen.
Çështjet familjare janë gjithashtu në fokusin tuaj, për shkak se Plutoni përfundon retrogradën dhe vendoset në shtëpinë tuaj të katërt të dielën, më 4 tetor.
Nësë keni ndierë se gjërat kanë qenë pak jashtë kontrollit, gjatë kësaj periudhe do të mund të gjeni balancën që ju karakterizon.
Gjatë datës 13, mundohuni të mos bëni marrëveshje të rëndësishme, pasi retrograda e Marsit nuk ju favorizon aspak. Deri në datën 27, do të hasni disa probleme me punë dhe të ardhurat, por do të gjeni zgjidhjen shumë shpejt.
Kur Dielli të ngrohë Akrepin, në të shtunën e datës 22, rutina juaj do të ndryshojë dhe do të shkoni me rrymën. Gjërat do të jenë më të thjeshta dhe mendimet shumë më pozitive.
Transformime të mëdha emocionale ose financiare do të vijnë drejt jush pas datës 31. Do ta gjeni veten në partneritete dhe raporte shumë të forta dhe të pathyeshme.

 


AKREPI

Të dashur Akrepë, ju këshillojmë ta ruani energjinë, pasi për 3 javët e para të muajit, do të përjetoni një letargji shumë të nevojshme, pasi Dielli është pozicionuar te Peshorja, shtëpia juaj e dytë e pushimit, kurimit dhe përfundimit të etapave jetësore. Në datën 22, do t’ju duhet të zbrazni karikimin e 3 javëve dhe të fokusohuni në periudha të reja, të rëndësishme.
Ndërkohë që ecni ngadalë, ky muaj do t’ju ndihmojë shumë të reflektoni dhe të vendosni se çfarë është më e mira për ju. Mërkuri, mjeshtri i komunikimit, kalon në retrogradë në shenjën tuaj dhe kjo retrogradë ju imponon të mbani një qëndrim dhe performancë të ulët, në krahasim me muajin pasardhës.
Gjatë kësaj periudhe shumë dinake, bëni kujdes me njerëzit të cilët shtiren dhe duan të blejnë informacione dhe sekrete nga ju.
Për fatin tuaj të mirë, sezoni i Akrepit arrin më 22 tetor dhe ju ndihmon të rikarikoni bateritë për të mirëpritur projekte shumë të rëndësishme, si dhe për t’u kujdesur maksimalisht për veten. Gjithsesi, mos harroni ata që qëndrojnë pranë jush dhe ju kanë ndihmuar në çdo periudhë.
Fundi i tetorit dhe Hëna blu në Dem sjell të papritura në aspektin romantik. Zhvillime të magjishme duken në horizont. Qëndroni gati!

 


SHIGJETARI

Ky muaj ju gjen gati për sulm! Jeni të përfshirë në një sërë aktivitetesh dhe jeni në krye të skuadrës suaj dhe të gjithë presin më të mirën nga ju. Gjithsesi, Shigjetarët janë liderë të lindur, ndaj ky presion nuk është aspak problematik për ju. Kështu, optimizmi, elokuenca dhe entuziazmi juaj do t’i frymëzojë të tjerët.
Për ju, tetori është muaji i preferuar dhe si i tillë, lajmëtari i vjeshtës ju sjell lajme tejet të mira, të cilat do të sjellin disa ndryshime interesante në stilin tuaj të jetesës.
Gjatë pjesës së dytë të muajit, mendimet tuaja mund të pësojnë një turbullim të pazakontë dhe do ta keni të vështirë të gjeni një zgjidhje të kënaqshme. Ndoshta burimi i këtij turbullimi është një person pranë jush? Reflektoni dhe vendosni nëse ia vlen të shpenzoni energji në lidhje me zgjidhjen e problemit, apo më mirë t’i jepni duart këtij individi.
Nëse gjatë javës së 3-të ndiheni më të lodhur se zakonisht, është mëse normale. Është një periudhë mjaft interesante për personat të cilët punojnë në një departament kreativ, apo profesioni i tyre ka lidhje me gazetarinë apo shkrimin krijues.
Nëse financat kanë vepruar me kokën e tyre, e diela e 4 tetorit sjell Plutonin në Bricjap dhe ju ndihmon të vendosni baraspeshën në të ardhurat tuaja.
Në fund të muajit, kujdesuni më shumë për mirëqenien tuaj, pasi është një periudhë delikate. Kjo periudhë është më e mira për të prerë lidhjet me situatat dhe personat që nuk doni t’i keni në jetën tuaj. Viti 2021 duhet të nisë pa toksicitet!

 


BRICJAPI

Muajin e kaluar, Jupiteri, planeti juaj udhëheqës dhe Saturni kanë përfunduar ciklin e retrogradave respektive dhe janë pozicionuar në shenjën tuaj. Nëse keni ndierë një rigjallërim të temperamentit apo një pasion që nis të ngrejë krye, kjo është arsyeja.
Duke nisur nga data 4 e në 2 muajt pasardhës, do ta ngjiteni në fronin tuaj, gati për të sunduar!
Planeti i ambicioz vendoset në Peshore në datën 22 dhe kjo ju ndihmon të arrini synimet tuaja. Hap pas hapi, me përkushtim dhe pasion, do të arrini të tërhiqni të gjitha të mirat që ju dhuron universi.
Kjo nuk do të thotë se do të jetë një rrugë e lehtë, përkundrazi. Mërkuri ju ndërlikon punën në aspektin profesional, por nëse do të dini të dilni nga guaska juaj dhe të bashkëpunoni me kolegët, miqtë dhe të afërmit, i gjithë procesi do të jetë më i thjeshtë.
Ky muaj sjell gjithashtu disa situate që kërkojnë një guxim të rrallë nga ju. Çfarë prisni nga vetja? A doni të bëni impakt në botë? Jini shpresëplotë dhe gati për gjithçka! Surprizat e datës 31 do t’ju befasojnë!

 


UJORI

Asgjë nuk mund t’ju ndalë, ose të paktën për një kohë të gjatë!
Me Diellin në Peshore, optimizmi juaj është gjithmonë e më i lartë. Jeni fokusuar në një mision të ri, i cili ju çel shqisën e gjashtë dhe do t’ju ndihmojë shumë në të ardhmen.
Sigurisht, do të përballeni me situata të jashtëzakonshme, të cilat mund t’ju frikësojnë, por do të jeni mjaftueshëm të zgjuar që të përqëndroheni në tablonë e plotë të jetës suaj. Për ju, ekziston gjithmonë një mundësi e mirë, edhe për kohët më të vështira.
Ndonjëherë, këto janë momentet më të mira për të provuar një aventurë të re, apo për të ndërmarrë një rrezik të dobishëm.
Gjatë pjesës së parë të muajit, do të duhet të jeni aprovues me biseda që ndoshta nuk do të jeni shumë dakord. Kjo shkon kundër natyrës suaj rebele, por ky muaj nxjerr në pah mençurinë tuaj dhe një Ujor inteligjent e di shumë mirë se kur ia vlen të shpenzojë energjinë e tij.
Si i gjithë viti, edhe tetori është një muaj i çuditshëm, duke nisur që nga Hëna e parë në 1 tetor, e cila pozicionohet në Dash, e pasuar nga Hëna blu, që ka rezervuar disa lajme shumë emocionuese.
Nëse ndiheni më të lodhur se zakonisht, fajësoni Jupiterin dhe Saturnin në Bricjap, ose faktin që po punoni shumë për një çështje zemre. Shërohuni dhe përballuni me tranzicionin e jetës.
Gjatë kësaj kohe, përqendroheni vëmendjen tuaj te ëndrrat, shenjat dhe sinjalet që ju dërgon universi. Mos harroni që ju flet gjithmonë.
Duke nisur nga data 13 tetor e deri në 3 nëntor, evitoni nënshkrimin e marrëveshjeve të punës, pasi nuk është një periudhë e mirë për kontrata.

 


PESHQIT

Lidhni rripin e sigurimit dhe bëhuni gati për një udhëtim me plot të papritura! Disa kthesa të vështira dhe shpejtësi marramendëse do ta bëjnë pothuajse të pamundur navigimin tuaj.
Ky muaj i fokusohet marrëdhënieve me miqtë dhe me njerëzit që ju rrethojnë. Zgjidhni ekipin tuaj dhe nisni të ndryshoni gjërat përreth. Në daljet tuaja të shpeshta, do t’ju kapë syri një person shumë interesant. A ka “brumë” për të qenë shpirti binjak? Gjeni kohën e duhur për t’u lidhur me botën tuaj të brendshme dhe merrni përgjigjen që prisni.
Aspekti profesional sjell një periudhë pushimi, mëse të merituar. Planeti i komunikimit vendoset në retrogradë dhe ju sjell disa ngjarje ku lipset shumë, po shumë durim. Bëni kujdes me fjalët dhe me komentet rreth personalitetit tuaj. Kujdes me sekretet që do të tregoni, pasi mund të përdoren më vonë kundër jush. Thashethemet dhe skandalet nuk ju duhen aspak!
Gjeni pak kohë dhe reflektoni: mos ndoshta jeni distancuar shumë? Në datën 4, do të afroheni më shumë me miqtë që nuk i keni takuar për një kohë të gjatë dhe në datën 22, Dielli do të ngrohë sektorin tuaj të aventurave.
Edhe pse po kalojmë një pandemi të vështirë, dashuria juaj për botën dhe të tjerët është e pandalshme.