Horoskopi mujor për të gjitha shenjat e zodiakut

DASHI

Ndonëse 2020-ta ka qenë një vit sfidues, sërish jeta juaj po merr një kthesë shumë interesante. Momente të reja vijnë në formën e kujtimeve nga e shkuara dhe bëhen mësime për të ardhmen. Ky muaj do t’ju gjejë duke rishikuar sërish jetën tuaj, vendimet dhe marrëdhëniet ndërpersonale.
Marsi hyn në shenjën tuaj dhe energjia e tij do të jetë prezente në muajt e ardhshëm, duke fuqizuar fushën e komunikimit gjatë gjithë muajit dhe do të shërbejë si një përqëndrim i fuqishëm në sferat e mendimit dhe me memorien tuaj për të shkuarën. Koha e kaluar do të aktivizohet dhe do të ringjallni ndjesi dhe kapituj që i konsideronit të mbyllura. Do të përqëndroheni më shumë te gjetja e shkakut dhe te shërimi i plagëve të vjetra.
Mërkuri, planeti që kujdeset për mendimet, shkon në retrogradë duke kërkuar gjithashtu një rishikim më të thellë përsa i përket vendimeve që ndikojnë në të ardhmen. Kështu, do të gjeni edhe shtigje të reja, të cilat ju orientojnë në rrugën e duhur.
Këtë muaj, fati ndryshon ndjeshëm, pasi po hyni në sezonin e eklipsit hënor. Data 5 qershor ju inkurajon të futeni një një territor të ri. Disa Dashë mund të nisin një projekt të ri që prek fushën e medias dhe komunikimit, ose të ndiqni një pasion të ri, i cili prej kohësh fle brenda jush.
Gjithsesi, një marrëdhënie e vështirë paraqitet mes shenjës suaj dhe Gaforres, duke rrezikuar shumë një derë të çelur, që duket e sigurt. Këshillohet të kërkoni më tepër stabilitet me familjen tuaj, pasi mund të shfaqen probleme të shumta, të cilat do të rrezikojnë edhe marrëdhëniet më të ngushta.
Mund të shfaqet një mundësi për të lëvizur jashtë vendit, osë për të sistemuar hapësirën tuaj të jetës suaj. Do të ndiheni shumë të emocionuar, ndaj yjet ju thonë të dëgjoni intuitën tuaj.

Supports text, HTML tags, JS code and video embed code

Ditët favorizuese: 4, 12, 15.
Ditët sfiduese: 7, 11, 16.

DEMI

Shenja juaj pëlqen kënaqësinë, romancën dhe dashurinë, ndaj të gjitha bekimet e Venusit do të bien mbi ju. Sundimtari juaj vallëzon në sektorin e prosperitetit dhe për disa muaj të tjerë, ndaj alternativat nuk do të mungojnë aspak në aspektin sentimental.
Në mes të muajit, Venusi do të kalojë në retrogradë, duke ndikuar shumë në energjinë tuaj. Do të ndiheni të pafuqishëm dhe sikur keni ngecur në kohë. Kjo periudhë do të zgjasë deri në 24 qershor, ndaj gjithçka qe duhet të bëni është të mos e lodhni veten në ekstrem.
E shkuara ka tendencën të përsëritet, ndaj mos u çudisni nëse ndodh një ribashkim i papritur, pasi tashmë ju dhe personi që vjen nga një kohë e përjetuar, jeni rritur dhe jeni gati për të ndërtuar nga e para një raport të mbetur përgjysmë. Nëse zemra juaj është e lënduar dhe gabimet të pafalshme, sidoqoftë jeta do t’jua sjellë prapë, për një përballje finale, ku do të dini si t’i lironi përgjithmonë prangat e pranisë së tyre.
Kjo krijon edhe hapësirën për marrëdhënie më të mira në vijim dhe në një farë mënyre, e lini dashurinë të marrë frymë.
Marsi, planeti i pasionit, ngroh sektorin shoqëror, ndaj do të shpenzoni shumë kohë me miqtë tuaj, duke forcuar kështu marrëdhëniet me ta. Demi do të lidhet shumë me miqtë e fëmijërisë, me njerëzit që gëzojnë besimin tuaj.
Përsa i përket çështjeve ligjore, nënshkrimeve për pronësi, apo dokumente të rëndësishme, sugjerohet të vendosni firmën pasi Mërkuri të dalë nga retrograda e Gaforres.
Ky muaj është një periudhë vendimtare e jetës suaj, në të cilën fati vendoset dhe e rrotullon jetën, duke e çuar në drejtime të reja. 5 qershori sjell një eklips hënor, i cili ju rikujton prioritetet dhe favorizon aspektin material.
Nga data 20 qershor, aftësitë tuaja të komunikimit janë mbresëlënëse dhe do t’ju happen porta të reja, si dhe projekte të rëndësishme. Qershori është muaji kur bota dëgjon zërin dhe idetë tuaja!

Ditët favorizuese: 4, 9, 10, 17.
Ditët sfiduese: 7, 11, 20.

BINJAKËT

Qershori është muaji i Binjakëve, duke sjellë shumë aktivitete në jetën tuaj. Momente të pafundme elektrizuese do të përfshijnë çdo aspekt të rëndësishëm për ju, por nuk përjashtohen çastet kur do të ndiheni “të ngrirë”.
Venusi, planeti i dashurisë po vërtitet në shenjën tuaj dhe deri në 24 qershor do të përfshiheni në vorbullën e pasionit dhe shpeshherë nuk do ta kuptoni nëse po jetoni në realitet apo në iluzion.
Por pas “stuhisë së këndshme”, menjëherë do të hyni në një zonë të re, në atë të muzgut dhe do të ndieni një lidhje të ngushtë me të kaluarën. Papritmas, do të mbusheni me nostalgji për raportet e mëparshme, miqtë e vjetër, vendndodhje të shkuara dhe sidomos emocione që rindezin brenga të vjetra. Por, me shumë mençuri do të vlerësoni të kaluarën dhe do të mesoni prej saj.
Ky fokus në të kaluarën do të forcohet kur Mërkuri, sundimtari juaj fillon një cikël të rregullt, por në mënyrë të ngadaltë, duke sjellë paqartësi dhe mendime që burojnë pa një destinacion të caktuar.
Shënojeni datën 27, pasi karriera juaj do të përfshihet në një fazë të re, nga ku do të dilni triumfatorë. Ndoshta gjëja më domethënëse, që duhet çmuar gjatë këtij muaji, është se po përfshiheni në sezonin e eklipsit. Kjo është një periudhë kur fati merr jetën tuaj dhe ju ridrejton në rrugën tuaj.
Aspekti sentimental paraqitet i ngrohtë dhe për ata që janë në një lidhje, dashuria arrin kulmin. Situatë po kaq fatlume paraqitet edhe për beqarët, të cilët me shumë mundësi do të ndryshojnë statusin. Kjo do të jetë një kohë e mirë për bashkime harmonike dhe ndjesi reciproke.
Më 20 qershor, eklipsi që kalon në Gaforre, mund të sjellë një moment vendimtar për financat tuaja. Bëhuni gati për të mirëpritur më shumë sukses!

Ditët favorizuese: 7, 12, 22.
Ditët sfiduese: 3, 4, 20.

GAFORRJA

Ndërsa dielli lëviz në shenjën tuaj, shumë Gaforre do të shijojnë kohën për të pushuar dhe reflektuar mbi zgjedhjet e tyre. Shumë nga planetet janë në lëvizje dhe kjo do të ndikojnë në ambiciet dhe këndvështrimet tuaja.
Deri më 24 qershor, Venusi do të jetë në retrogradë, duke siguruar një karakter joshës dhe karizmatik. Do të rivendosni lidhje të vjetra dhe do të rindizen flakët e pasionit me një mik të vjetër. Nëse e bëni këtë “lëvizje” në një mjedis privat, duke përdorur komunikimin e ngrohtë dhe tejet të sinqertë, mund të ndërtoni një lidhje të bukur dhe solide.
Bëni shumë kujdes gjatë periudhës kur Mërkuri kalon në retrogradë, pasi do të përjetoni një tranzit të ngjashëm me verën e kaluar dhe do të ndieni një deja vù që nuk do t’ju pëlqejë aspak.
Sidoqoftë, planetet ju këshillojnë të ngadalësoni ritmin tuaj, pasi universi rezervon shumë befasi që shumë shpejt do të shfaqen në horizont. Sezoni i eklipsit sjell ciklin e fillimeve të reja dhe fundeve pompoze, duke ju detyruar të zgjidhni mirë mes guximit të startimit dhe zonës së komfortit.
Gjatë eklipsit hënor në Shigjetar, disa Gaforre do të vërejnë një mundësi interesante përsa i përket karrierës. Do të duhet ta shqyrtoni dhe të vendosni. Të tjerët mund të debutojnë me një ide brilante, e cila do t’ju zgjojë disi dhe do t’ju vendosë në vëmendjen e eprorëve, ose nën shënjestrën e kolegëve.
Jini të kujdesshëm, por mos u ndalni, pasi eklipsi më i rëndësishëm është në shenjën tuaj dhe kjo do t’ju japë superfuqi dhe supermaci. Do të shkoni drejt dëshirave të zemrës dhe çdo ëndërr e juaja do të gjejë realizim. Kozmosi ju dëgjon!

Ditët favorizuese: 7, 9, 25.
Ditët sfiduese: 3, 11, 22.

LUANI

Ky muaj rezervon shumë aktivtete planetare, ndaj Luanët do të ndihen konfuzë se ku duhet të përqëndrohen. Një nga temat kyçe do të jetë argëtimi dhe rekreacioni, pasi dielli gjallëron sektorin tuaj shoqëror.
Gëzimi dhe harmonia do të jenë për shumë gjatë në shenjën tuaj dhe kjo do t’ju lidhë edhe më shumë me miqtë e rinj dhe të vjetër. Nëse dëshironi të rilidheni me dikë që keni humbur kontaktin, kjo është periudha më e mirë.
Retrograda e Mërkurit prek sektorin tuaj të intimitetit dhe gjatë kësaj kohe do të jeni edhe më vigjilentë, duke vënë re detaje që më parë ju janë dukur të parëndësishme. Kjo vigjilencë do të jetë aktive edhe përsa i përket marrëveshjeve të sferave ligjore, të cilat gjatë periudhës së retrogradës nuk shfaqin aspak qëndrueshmëri dhe siguri.
Eklipset e fuqishme që do të ndodhin në qershor. Ai hënori në Shigjetar, përfaqëson një moment vendimtar të fatit në lidhje me romancën dhe kreativitetin. Ky do të jetë një moment magjik dhe zemra juaj do të jetë e mbushur me energji, e cila do të zgjasë deri në vjeshtën e vitit 2021.
Eklipsi diellor në Gaforre ndikon me intesitet, duke ju urdhëruar të pushoni, të karikoheni me energji dhe të reflektoni mbi vendimet që nuk ju bindin. Çfarë është më e rëndësishmë në jetë? Ju e vendosni!

Ditët e favorshme: 4, 10, 17.
Ditët sfiduese: 7, 11, 13, 26.

VIRGJËRESHA

Falë logjikës dhe qasjes juaj racionale, keni aftësinë të organizoheni edhe kur jeta juaj po përfshihet nga një stuhi e vrullshme. Megjithatë, ndjenjave nuk u shpëtoni dot, ndaj lëreni mënjanë krenarinë dhe pranojeni se ndonjëherë logjika ju braktis.
Ky muaj do t’ju shtyjë në limitet tuaja dhe do të rrezikoni gjithçka për të ndjerë në maksimum çdo emocion. Planetet po rrotullohen në prapavijën e Virgjëreshës dhe kjo shkakton një ndërthurje të planeve dhe ëndrrave, duke e vendosur gjithë jetën tuaj në një spirale pa mbarim.
Universi ju provon se nuk i dini të gjitha dhe sado të përgatitur të jeni, nuk mund ta parashikoni fatin. Gjithçka do të vijë në rrugën tuaj, në momentin e duhur.
Me retrogradën e Venusit, ekziston një mundësi për t’u lidhur sërish me dashamirësit e vjetër, miqtë e zemrës dhe për të rikthyer marrëdhëniet që ndoshta i ka mbuluar pluhuri. Tranziti aktual është tejet prezent në sektorin e karrierës, ndaj keni mundësi që të punoni me profesionistët që ju kanë mësuar në të kaluarën. Nëse ndodh që të përballeni me një ngërç në projektet tuaja, mos u zhgënjeni, thjesht jeni pezull përpara ngritjes së madhe.
Përpos karrierës, partneriteti do të jetë në fokus të jetës suaj. Marsi, planeti i pasionit, ndriçon sektorin tuaj të angazhimeve dhe marrëdhënieve gjatë gjithë muajit. Kjo do të thotë se është një opsion i mirë bashkëpunimi me një person të besuar, pasi kjo ju dërgon më shpejt drejt suksesit.
Në aspektin e dashurisë, nëse jeni beqarë, do të keni shumë kohë në dispozicion për të gjetur partnerin e përsosur. Nëse jeni në një lidhje, do të punoni shumë për të ndërtuar një të ardhme me personin e zemrës. Sidoqoftë, do të ketë probleme që pluskojnë në ajër dhe kërkojnë zgjidhje. Nuk mohohet aspak prania e zënkave dhe debateve të fuqishme. Këshillohet të jeni tolerantë dhe të bëni më të mirën tuaj.

Ditët favorizuese: 9, 10, 22.
Ditët sfiduese: 3, 11, 20.

PESHORJA

Qershori është muaji që do të pyesni për vendin dhe qëllimin tuaj në raport me botën dhe të tjerët.
Venusi, planeti i dashurisë dhe dashurisë, gjithashtu sundimtari juaj, do të pozicionohet mbrapa, deri më 24 qershor. Sa herë që sundimtari planetar i një sundimtari është në retrogradë, duket sikur ka shumë vështirësi në arritjen e një konsesusi, duke nisur që nga bisedat e duke përfunduar te ndjenjat.
Thelbi është të kuptoni se ju duhet të lëshoni kontrollin kur duhet dhe kur nuk duhet, kështu do të dini të studioni më mirë sjelljet dhe reagimet e të tjerëve. Nëse vendosni të përdorni ironinë si armën tuaj më të fuqishme, bëni kujdes me personin përballë, pasi mund të mos e konsideroni faktin se ky person është po aq “agresiv” dhe “i pamëshirshëm” sa ju.
Eklipset sjellin të shkuarën, ndaj edhe për ju mund të vendosni lidhje me një person që rikthehet nga kujtimet. Ky raport do të jetë i gëzueshëm si dikur, por sërish është i krisur, ndaj mos u çudisni kur të kuptoni se drejtimet tuaja të ndryshme, tashmë janë të vendosura dhe të pakthyeshme. E vetmja zgjidhje mbetet armëpushimi në mënyrë paqësore.
Karriera do të përballet me barriera, pasi Mërkuri në retrogradë mohon përpjekjet që lidhen me punën. Në fakt, kjo nuk është diçka e keqe, por duhet ta merrni më pozitivisht.
Marsi ringrihet fuqishëm në zonën e produktivitetit, i cili rrjedhimisht do të jetë gjithnjë në rritje. Do të merrni kohën e duhur për t’u qetësuar dhe reflektuar, për t’u rikthyer shumë aktivë dhe gati për sulm. Muaji do të jetë i mbushur me ngjarje vendimtare për jetën tuaj dhe do të lindin çaste që do t’ju çojnë drejt horizonteve të reja.
Për Peshoret, eklipsi hënor aktivizon sektorin tuaj të komunikimit dhe kjo do të thotë se keni shumë për të shkruar, folur ose negociuar. Ndërsa eklipsi diellor shënon një moment epik, pasi yjet ju shtyjnë drejt njohjeve të reja, të cilat kanë të bëjnë me një mundësi pune, promovim apo shpërblim.

Ditët e favorshme: 6, 12, 22.
Ditët sfiduese: 4, 7, 11.

AKREPI

Marsi, planeti i pasionit sjell fuqi në sektorin tuaj të romancës përgjatë shumicës së muajit. Energjia për të ndërtuar dashurinë e së ardhmes dhe për t’u shprehur do të jetë ekzistente gjatë gjithë kohës, kjo sepse është periudha më e mirë për t’u frymëzuar, krijuar dhe dashuruar.
Venusi, planeti i dashurisë dhe romancës, rrotullohet përpara në sektorin e intimitetit, deri në 24 qershor, duke bërë të mundur rishikimin e nevojave të marrëdhënies aktuale. Për beqarët, do të jetë një periudhë ku asgjë nuk ju kënaq dhe nuk i konsideroni kandidatët. Retrograda e Venusit ndikon masivisht te ju, duke ju detyruar të hidhni sytë tek e shkuara, për të gjetur gabimet dhe për të marrë mësime të vyera.
Më 17 qershor, retrograda në Gaforre ju turbullon mendjen dhe e mbush gjithçka përreth me mister. Por me ndërhyrjen e Neptunit, ujërat do të kthjellohen dhe do të bëheni disi egoistë, pasi do të përqëndroheni vetëm te dëshirat tuaja. Për ju dhe personin e zemrës, ka qenë një udhëtim i gjatë, me tatëpjeta dhe arritje, ndaj kjo kohë do të shërbejë për të konsideruar një shkëputje, që do t’ju ndihmojë në kuptimin e raportit tuaj.
Fuqia e eklipseve dominon shumë aspekte të jetës suaj, pasi do të dalin në dritë momente të fuqishme që do të rrisin masivisht financat tuaja. Për shumë Akrepë, pritet një punë e re dhe fitimprurëse.
Eklipsi diellor do të jetë argëtues dhe do t’ju inkurajojë të eksploroni territore të reja të jetës. Do të dhuroni njohuri dhe do të gjeni mënyra për të zgjeruar horizontin tuaj, qoftë përmes një udhëtimi, apo miqësisë me persona të ditur.
Lëshoni tokën dhe shpalosni potencialin tuaj!

Ditët e favorshme: 7, 10, 25.
Ditët sfiduese: 4, 11, 22.

SHIGJETARI

Qershori sjell energji të reja dhe do të shënojë një momet të ri në jetën tuaj. Keni hyrë në një pikë shumë të rëndësishme dhe kjo do t’ju ndihmojë të kuptoni vlerën tuaj, duke rritur fuqinë tuaj personale. Për shumë kohë nuk e keni vërejtur energjinë që posedoni, por planetet ju këshillojnë ta nxirrni në dritë.
Sektori i partneritetit do të përkëdhelet nga fuqia e eklipseve, e cila ju paraqet një transformim të fuqishëm në raporte, mendimet dhe dëshirat që ndani me personin e zemrës.
Eklipsi hënor në shenjën tuaj do t’ju sjellë një ëndërr të harruar, e cila zë vend në zemrën tuaj. Më vonë, gjatë muajit, eklipsi diellor në Gaforre dot t’ju shtyjë të kuptoni marrëdhëniet tuaja.
Venusi, planeti i dashurisë dhe harmonisë, i cili është mbështetur në sektorin e angazhimeve, karrierës dhe dashurisë, ju ndihmon të rishikon disa nga raportet tuaja. Javët e qershorit do të jenë të mbushura me vendime të cilat mund t’ju duken të drejta, por koha do të tregojë gjithçka.
Mërkuri, mes shumë planeteve të tjerë, do të mundësojë një portal mes të tashmes dhe të shkuarës, ku do të ktheheni pas në sektorin e ndjenjave. Universi ju bën thirrje që të qëndroni për një moment dhe të dëgjoni se çfarë ju thonë të tjerët, sepse ky reflektim do të jetë mundësia juaj e artë.

Ditët e favorshme: 10, 12, 17.
Ditët sfiduese: 3, 20, 22.

BRICJAPI

Kohët e fundit, marrëdhëniet ju kanë dhënë mësime të forta, por të vyera dhe kjo do të vijojë gjatë gjithë qershorit. Në jetë, keni vullnet të lirë, por edhe forca të fuqishme të cilat ju mbajnë në të njëjtin vend, gjithsesi, duhet të keni kontroll të plotë mbi jetën tuaj.
Universi dominon raportet tuaja dhe në një fazë të caktuar, mund t’ju trembë, por duhet ta lini pas ngërçin e panjohur dhe të mos përpiqeni ta kontrolloni gjithmonë veten.
Më 5 qershor, një eklips hënor në Shigjetar rishikon vendimet tuaja, ndonëse keni qëndruar në një pozicion të qetë. Sekretet dhe frika juaj më e madhe mund të ekspozohen dhe do të dalë në dritë e vërteta që prej kohësh e keni fshehur. Makthet, iluzionet dhe egoja do të shpërthejnë dhe do të hapin rrugën e zemrës suaj.
Kjo është një kohë e shkëlqyer për t’u shëruar, duke lëshuar veten drejt dashurisë. Mendoni se kozmosi ju ka kthyer shpinën, por në të vërtetë, ka plane perfekte për ju.
Eklipsi diellor në Gaforre, në 20 qershor, është ndoshta momenti më i rëndësishëm i muajit, kjo pasi do të shënohet një fillim i ri për marrëdhëniet tuaja. Për disa Bricjapë kjo sinjalizon një moment unik, ku mund të bashkoheni me një ish, ose do ta lini të shkojë përgjithmonë, sepse tashmë keni mësuar atë që duhej.
Retrograda e Mërkurit ju detyron të komunikoni hapur nevojat dhe dëshirat tuaja në angazhime të reja. Është krejtësisht e mundur rikthimi i një dashurie të vjetër, ose koha për ta mbyllur një derë përgjithmonë.

Ditët e favorshme: 7, 15, 27.
Ditët sfiduese: 11, 25, 26.

UJORI

Qershori është muaji ku zemra juaj përballet me një flakë të re, nga e cila do të dalë e shëruar dhe fitimtare. Faktorët kozmikë janë në krahun tuaj dhe ky muaj rrethohet nga forcat ndikuese të planeteve.
Urani, planeti juaj, do të jetë i fortë dhe tejet i drejtpërdrejtë, edhe kur do të përballet me individë që nuk shohin përtej hundës së tyre. Do të bëni zgjedhje të mençura dhe do të zgjidhni më të mirën për veten.
Lëvizja e Venusit në sektorin e dashurisë do të sjellë kaos në ndjesitë tuaja dhe në mënyrën si e shikoni dashurinë. Kjo do të thotë se shumë Ujorë do të dyshojnë te personi me të cilin ka një lidhje shpirtërore, duke ngjallur shpeshherë edhe debate apo zënka.
Është e mundur se dashuria është ajo që ju dëshironi të jetë. Thjesht, çlirojeni veten dhe shijojeni sa më shumë momentin dhe pasionin.
Më 17 qershor, mendja juaj do të konfuzohet edhe më shumë, ndaj sigurohuni të mos ndërmerrni asnjë vendim që më vonë mund të anulohet, apo t’ju pengojë.
Marsi aktivizon sektorin tuaj financiar dhe do të përqëndroheni te fitimi i të ardhurave, por njëkohësisht, edhe te shpenzimi i tyre. Në 2 vite, kjo është periudha më aktive në raport me të ardhurat.

Ditët e favorshme: 12, 13, 22, 25.
Ditët sfiduese: 3, 20, 30.

PESHQIT

Qershori sjell një periudhë të zjarrtë për ju. Energjia është aktive, probabiliteti që të realizohen qëllimet tuaja janë shumë të larta dhe do të besoni se jeni i pandalshëm.
Marsi është pozicionuar brenda shenjës suaj, duke ju dhuruar siguri dhe dëshirë për të bërë gjithçka. Ky tranzit nuk ndodh shpesh, ndaj është momenti që të përfitoni.
Dashuria, suksesi dhe lumturia duken në horizont, ndaj jeni mëse gati që të merrni përgjegjësi dhe të ndërmerrni hapa të tjerë. Eklipset shënojnë momente të reja dhe shumë të rëndësishme në jetën tuaj dhe kjo rrit suksesin, fuqinë dhe arritjet tuaja. Jeni në një periudhë të bekuar dhe shumë njerëz kanë besim te ju dhe aftësitë tuaja.
Do të rriteni shumë shpejt dhe do të fluturoni larg. Ndikimi juaj në botë ndihet në çdo rast, këmbëngulja juaj për të bërë më të mirën gjithashtu.
Eklipsi në Gaforre ju shtyn të çliroheni, të thoni idetë tuaj dhe të orientoheni në drejtime të reja. Disa Peshq mund të gjejnë një muzë apo burim të re frymëzimi dhe kjo do të sjellë lajme të mira, ose një dashuri të re plot pasion.
Kjo periudhë i takon dashurisë dhe intuitës suaj, të cilës mund t’i besoni në çdo moment. Do të fitoni çdo sfidë!

Ditët e favorshme: 7, 10, 16, 25.
Ditët sfiduese: 3, 20, 30.