Një tjetër çmim për “Vula”, me skenar dhe regji të Valmir Tertinit

Sukseset e vazhdueshme të filmit të shkurtër, “Vula”, duket se nuk kanë të ndalur. Pas vlerësimit në në “Lacorne Internacional Film Festival”, ku rrëmbeu çmimin si “Drama më e Mirë”, u vlerësua me çmimin e 13-të në ShBA për “Filmin e Shkurtër”.

Drama flet për Viktorian, një vajzë dhe punonjëse e papërgjegjshme, e cila punon në Ambasadën Gjermane në Prishtinë. Ajo ka një stil jetese disi të vështirë dhe endet mes alkoolit dhe kërkimit të një partneri. Sigurisht, kjo ndikon edhe në punën e saj, në dosjet e pafirmosura dhe në pikën kulmore të filmit: në një vizë njëvjeçare të dhënë pa asnjë meritë. Vizën e përfiton një djalë kosovar, vetëm sespe kishte marrëdhënie intime me Viktorian.

Supports text, HTML tags, JS code and video embed code


Ngjarja përshkohet nga të papritura dhe një vorbull ndjesish.

Deri tani, projekti “Vulë” ka fituar 10 çmime në festivale të ndryshme, dhe sipas gjasave, do të fitojë edhe më shumë.