Shkëputur nga libri i gatimit “Simply”, i shkruar nga Sabrina Ghayour, sjellim për ju një recetë fantastike me yogurt me lime dhe piper të zi, që t’ju freskojë për gjatë gjithë verës.
Gatimet e thjeshta dhe të shijshme, janë në fokusin e Sabrinës, e cila është frymëzuar nga kulinaria persiane.
Në këtë artikull do të gjeni një recetë shumë të thjeshtë, për një ëmbëlsirë shumë freskuese.
Përbërësit:
500 gr kos.
60 gr sheqer kokërrmadh.
Lëng limoni i freskët.
1 lime.
1 lugë çaji me piper të zi.
Përgatitja:
Hedhim të gjithë përbërësit në një enë dhe i përziejmë së bashku. Më pas, i hedhim në një makineri akulloreje dhe me kaq hapa, keni një yogurt super freskues. E shërbejmë në një tas dhe i hedhim sipër pak lëkurë limoni dhe piper të zi.
Ju bëftë mirë!
