Të shijshme, të shëndetshme, një menu e pasur me ushqime të përgatitura nga master chef-at, Miklovan Zeqo dhe Uan Vogli. Nga antipastat me prodhime deti, tek produktet e marinuara dhe ëmbëlsirat. Gatime që mund të përgatiten nga ju amvisa për t’i dhënë sa më shumë larmishmëri tryezës suaj. Ju bëftë mirë!
Marinato
Përbërësit:
100 gr Barbun
100 gr Karkaleca
100 Kocë
100 gr Salmon
100 gr Peshk shpatë
50 gr sallata të ndryshme sipas dëshirës
Fruta pylli
Lakër e kuqe
Finok
Qepë
0.8 litër vaj ulliri
Përgatitja:
Përpara se të fillojmë përgatitjen marrim salmonin dhe peshkun shpatë që e kemi marinuar me kripë dhe sheqer për një ditë dhe i vendosim në enë të ndryshme. Më pas marinojmë karkalecat me fruta pylli. I marrim të gjithë përbërësit dhe i vendosim në enë të ndryshme. Për dekorim përdorim sallatë jeshile, lakër të kuqe, finok dhe qepë. Në perfundim i hedhim pak vaj ulliri.
