Në kohët kur Covid-19 po sfidon jetën, karrierën tonë dhe po na çon në pasiguri, një samit i tillë i “Grave në Marketing”, erdhi si një ide për të krijuar së bashku një impakt të rëndësishëm.
Gratë e suksesshme nga vende të ndryshme të botës po bashkohen në samitin e parë virtual “Gratë në Marketing” që do të mbahet në 28-30 Prill 2020, si një iniciativë globale për të shkëmbyer njohuri, frymëzuar dhe fuqizuar shoqërinë.
Nisma filloi nga Arijana Koskarova, themeluese e “Creative Hub”, një qendër e vlerësuar nga “Forbes” e cila u jep të rinjve mundësinë për të zhvilluar karrierën në marketing dhe industri të tjera kreative.
Qëllimi i këtij samiti virtual është motivimi i grave që të bashkohen dhe të krijojnë karrierën e tyre në fushën e marketingut.
Samiti përmban folëse nga e gjithë bota (Maqedonia e Veriut, Greqia, Franca, Italia, Rumania, Bullgaria Polonia, Gjermania, Zvicra, Shqipëria, etj) dhe profile të ndryshme si: themeluese të agjencive kreative, drejtore të marketingut, CEO të agjencive të komunikimit, digital marketers, drejtore kreative, gazetare, por edhe gra që përmes programit të tyre të mentorimit, po ndihmojnë gratë e tjera të formojnë lëvizje që sjellin ndryshime në shoqëri.
Disa nga folëset janë: Odeta Male, COO of “Landmark Communications” në Shqipëri; Tringa Berisha, bashkëthemeluese e agjencisë krijuese “i10” dhe eksperte i mediave sociale nga Kosova; Bianca Tudor nga Rumania, themeluese e “Elite Business Woman”; Dr.Ruby Baksi Khurdi nga India, Fituese e Multi-Award dhe folëse në TedX; Nadine Butow nga Gjermania, themeluese e “PR for Entrepreneurs”; Giedre Pociute nga Lituania, themeluese e Linkedist – një platformë e lidhur me LinkedIn; Stella Tsitsoula, themeluese e “Red Communications” nga Greqia; Eli Peseva, Corporate Communications Director në “New Moment New Ideas Company” nga Shkupi; Arieta Prusak nga Polonia, themeluese në “Moxie Creative Agency”, etj.
Samiti është falas! Për të marrë pjesë, të gjithë të interesuarit duhet të regjistrohen në linkun e mëposhtëm:
https://womaninmarketing.app.virtualsummits.com/.
Temat do të përfshijnë histori frymëzuese të grave, por do të prekin edhe fushën e brendit, marketingun digjital, PR, zhvillim personal etj.
Bashkohuni me ne në këtë udhëtim dhe le të krijojmë ndikim së bashku!
