Një vilë romantike, me oborr të gjerë, të zbukuruar me një mori lulesh të bukura, ju ngjall në kujtesë një atmosferë të miksuar të tradicionales me modernen. Këtë ndjesi e provon sapo shkel aty! Dhe kur kjo harmoni e stilit të ambientit shkrihet mjeshtërisht me shijen e rafinuar të gatimet të përgatitura nga shefi i kuzhinës, me një menu të pasur që ndryshon varësisht stinëve, për të garantuar produkteve të freskëta dhe cilësore, të gjithë këto faktor e bëjnë restorantin Estia një vend të veçantë. Për të gjitha amvisat dhe lexuesit e Elegance, ata kanë propozuar një menu të shijshme, që është e sigurt do ju bëj të riktheheni sërish aty!
Supë panxhari dhe mascarpone
Përbërësit:
500 gr panxhar i kuq
200 gr patate të vogla belge
300 ml lëng perimesh
6 fara kardamom
30 gr maskarpone 30gr
50 ml vaj ulliri ekstra i virgjër
2 copë qepujka
Kripë e zezë indie
Piper Sichuan
Përgatitja:
Në një tenxhere hedhim vajin, ndërsa qepujkat, kardamomin e shtypur i kavërdisim derisa qepujkat të zbuten dhe kardamomi të lëshojë aromën. Shtojmë panxharin, patatet, lëngun e perimeve dhe i lemë të ziejnë përreth 20 minuta. I kalojmë në mikser për të pasur një krem homogjen dhe më pas e kalojmë në një sitë. E shërbejmë në gotën e supës duke shtuar maskarponen, piperin sichuan dhe kripën e zezë indiane.
