E hënë
Kodi i saj i veshjes?! Elegance dhe feminilitet! Nuanca e të zezës, dominuese në stilin e saj të fillim javës, është zgjedhje e duhur për një look modern. Xhaketa, pantallonat dhe këpucët elegante, janë stilit i preferuar për Joanën. Aksesorët janë një pikë e fortë në look-un e saj, ku bizhuteritë në tonalitet gold e plotësojnë në tërësi.
E martë
Harmonia e motiveve në fustanin e saj, sjell dukshëm Pranverën, çka e bën të ketë edhe një stil lozonjar. Me prerje asimetrike, me rrip në pjesën e mesit, ngjyrat e ngrohta në këtë fustan e bëjnë kaq të veçantë zgjedhjen e saj. Ndërsa, sandalet në nuancë të zezë janë të dedikuara për stil dhe hapa elegant.
E mërkurë
Kombinimi i dy nuancave, të zezës dhe asaj bezhë, është një gjetje e duhur. Xhaketa, krijon thyerjen e nuancës së zezë që dominon në stilin e të mërkurës, duke nisur nga pantallonat, tek bluza, këpucët dhe çanta. Aksesorët janë pika e fortë e përditshmërisë së saj, qoftë në ambientin e punës, apo edhe në angazhimet private.
E enjte
Janë një must i këtij sezoni! Kostumi në nuancë monokromatike, me mëngë të shkurtra dhe rrip mesi, ju bën të dukeni vërtet elegante në çdo ambient. Ndërsa, çanta si pjesë plotësuese e pamjes së saj, krijojnë një kontrast të këndshëm ngjyrash dhe motivesh interesante.
E premte
Fundjava kërkon një stil të rehatshëm, por asgjë nuk i lihet rastësisë. Ky fustan elegant në nuancë gri dhe me motive mini kuadratesh, është zgjedhja e saj për ditën që shënjon mbërritjen e fundjavës. Sandalet komode prej kamoshi dhe me takë, janë ideale për këtë stil veshje, shoqëruar edhe me një çantë lëkure, pocket style me zinxhir gold.
