Universitetet ishin ndër të parat që “e pësuan” nga kufizimet e reja në këtë valë të dytë të virusit Covid-19, sepse ndryshe nga arsimi fillor dhe i mesëm, arsimi i lartë nuk i hapi dyert për studentët në nëntor, siç edhe ishte planifikuar. Leksionet po zhvillohen online dhe nuk dihet edhe për sa kohë!
Në këto kushte, interneti është gjëja më e rëndësishme. Një internet i shpejtë dhe i fuqishëm, në gjendje të përballojë leksione online, me dhjetëra studentë në linjë apo të lehtësojë ndarjen e materialeve që profesorët duan të shpërndajnë te studentët e tyre përmes platformave të posaçme, si Zoom. E pra, pa internet, nuk ka leksion!
Vodafone ka treguar që prej fillimit të pandemisë një vëmendje të veçantë ndaj arsimit, duke dhuruar 15,000 tableta dhe paketa interneti falas për fëmijët në vështirësi ekonomike. Ndaj, edhe këtë radhë, nuk kishte si të mos ofronte mbështetje për studentët, duke krijuar një paketë speciale, të kombinuar me internet fiks e celular, enkas për ta. 3 herë më shumë internet në celular dhe 3 muaj falas internet fiks. Një paketë që studentët të jenë gjithnjë të lidhur me rrjetin më të shpejtë celular e fiks, ofruar nga Vodafone. Oferta është e vlefshme për çdo student, por është specifike në qytete të ndryshme, ndaj për detajet e saj mund të interesoheni në çdo dyqan Vodafone.
Në këto kohë të vështira pandemie nuk ka më asnjë dyshim se shëndeti vjen i pari. Falë teknologjisë dhe aksesit online, kemi mundësi të jemi gjithmonë afër edhe kur sfida të tilla na mbajnë fizikisht larg. Vodafone ju mundëson zgjidhjet më të mira të komunikimit nën rrjetin më të shpejtë Gigabit në vend.
