Njihuni me Lee Sangsoo, artisti që krijon “në ajër”

Ç’do të thotë të krijosh “në ajër”?

Për disa është ­krejt e pamundur, ndërsa për skulptorin korean Lee Sangsoo, përditshmëri.

Supports text, HTML tags, JS code and video embed code

I lindur në Korenë e Jugut, më 1983, Lee është një skulptor dhe dizenjues i famshëm, i cili krijon kafshë përmes stilit të tij shumëngjyrësh.

 

Lee krijon kafshë të ndryshme, duke nisur që nga macet e deri te papagajtë, drerët dhe flamingot dhe secila prej punimeve është tredimensionale dhe përmban një dinamizëm real dhe shumë elegant.

Sipas artistit, krijimet e tij janë frymëzuar nga Picasso dhe saga e tij me kafshë të vogla abstrakte.

 

“Linjat, planet dhe ngjyrat janë elemente të rëndësishme për punën time. Fillimisht, linjat pikturohen në një bllok dhe më pas, përcaktohet lëvizja dhe forma e punimit, të cilat marrin pamje dhe hapësirë tredimensionale”, thotë Sangsoo, i cili që prej fëmijërisë e ka pasur ëndërr të ishte një piktor i njohur.

Kështu, nga piktura në skulpturë, artisti ka kryer një rrugëtim kaq të bukur, i cili rrëfehet përmes krijimeve të tij unike.