Elegance

Industria e modës është një prej sektorëve më frymëzues në botë, e cila ka inspiruar fusha të ndryshme të artit, veçanërisht letërsinë.
Elegance ju sjell një përmbledhje të librave më të bukur që kanë një tematikë të përbashkët: botën e modës.

Chanel
Duke filluar nga zeroja, Gabrielle Chanel arriti një sukses spektakolar, duke krijuar shtëpinë ikonike të modës, Chanel. Një histori suksesi, vizionesh, guximi dhe frymëzimi, e cila nis nga një ëndërr e madhe, ndryshon kursin dhe arrin të realizohet dhe të definojë botën e modës, industrinë e aksesorëve dhe bizhuterive. Ky koleksion përbëhet nga tri vëllime: i pari dedikuar historisë së modës; i dyti bizhuterive dhe i treti parfumeve emblematikë.

Supports text, HTML tags, JS code and video embed code

Dior
7 dizajnerët më të famshëm të Dior përmbledhin historitë e tyre, duke sjellë një libër voluminoz, të mbushur me grafika ilustruese dhe foto nga Laziz Hamani. Ky libër ikonik duhet të jetë patjetër pjesë e koleksionit tuaj.

All About Yves
Yves Saint Laurent, një emër që hyri në botën e modës për t’u bërë një legjendë. Libri përmban sketche, letra personale, fotografi të rralla, historinë dhe karrierën e Catherine Örmen. Historia ndahet në periudha shumë të rëndësishme të jetës së saj.

Balenciaga – Shaping Fashion
Krijimet mahnitëse të Balenciaga janë tejet të preferuara në industrinë e modës. Ky volum përmban gjithçka që përbën Balenciaga dhe sfilatat e jashtëzakonshme të markës të mirënjohur.

Valentino: Mirabilia Romae
Në 2015, Valentino celebroi në Romë bukurinë, historinë dhe kulturën fantastike që mbart. Një libër i jashtëzakonshëm i cili ka evoluar të gjithë stilin!

Fendi nga Karl Lagerfeld
Për të fesstuar si duhet ditëlindjen e 50-të të Karl Lagerfeld, Fendi botoi në vitin 2015 një libër i cili sjell mënyrën e drejtimit të legjendarit Karl dhe krijimet e tij fantastike. Arkiva, dëshmi dhe ilustrime, të gjitha në këtë libër.

Alexander McQueen: Savage Beauty
Avangard, futurist dhe shumë guximtar, McQueen ka sjellë krijime trasgresive dhe shumë joshëse. Një revolucion në industrinë e modës, “Savage Beauty” sjell në mënyrë të jashtëzakonshme historinë e brand-it fantastik.

Kate nga Mario Sorrenti
Retrospektivë! Zhvendosemi në vitet ’90, ndërkohë që Mario Sorrenti fotografon rininë dhe bukurinë e vajzës që inspiroi modën, Kate Moss. Asokohe e dashura e fotografit, Kate Moss dominoi kopertinat e revistave prestigjoze, paradat gjigante të markave më të njohura dhe dëshmoi kudo supermacinë e saj.

Louis Vuitton Windows
Një përzgjedhje e jashtëzakonshme nga McLeod dhe Ansel Thompson për një periudhë kohe prej 5 vitesh. Pa dyshim, një must have!

Alaia
Azzeddine Alaia ka shënjuar modën dhe ka adhuruar trupin e grave në mënyrën më të bukur të mundshme. Me elegancë dhe shumë dashuri për trupat femërorë, dizajneri ka sjellë kryevepra të jashtëzakonshme, të cilat dëshmohen në këtë libër.