Vaktet artistike të Manami Sasaki

Është momenti të njihemi me Manami Sasaki, artisten japoneze, e cila kohën e lirë të karantinës e shpenzoi më së miri, duke dekoruar vaktin e mëngjesit, në mënyrë shumë të këndshme dhe origjinale.


Në kuzhinën e saj në Tokio, Sasaki ndërthur imagjinatën e saj me elementet identifikuese të artistëve mbarëbotërorë si Picasso, Mondrian; sjell rikrijime të rrymave të ndryshme artistike; abstraksione të Mickey Mouse, madje edhe artin e librave me comics.
Të gjithë artin e saj mund ta gjeni në llogarinë e saj në Instagram, @sasamana1204. Në një intervistë për Vogue, artistja autentike shprehet se: “Arsyeja pse nisa të bëja art në tost ishte pandemia. Puna nga shtëpia më çoi drejt zgjimit në orët e para të mëngjesit dhe përtacisë. Doja të zgjohesha herët, të krijoja një rutinë mëngjesi e cila do të më emociononte. Pikërisht, në këtë moment nisa të bëja art dhe ta konsumoja për mëngjes”.

Supports text, HTML tags, JS code and video embed code

Elegance ju sjell disa prej krijimeve të artistes japoneze.