Një monodramë në Teatrin Kujtim Spahivogli me ngjarje dhe episode të jashtëzakonshme, e cila rikthen në skenë aktorin e mirënjohur Arben Derhemi, nën regjinë e Milto Kutalit. Teksti i Dario Fo, sërish godet përmes mjeshtërisë së fjalës dhe mesazhit, duke përcjellë tek artdashësit historinë e njerëzimit parë nga sytë e një mashtruesi. Për plot 100 minuta aktori është i vetëm në skenë, por shumë i zëshëm, pasi interpreton edhe personazhe të tjerë që has gjatë udhëtimit të tij.
